श्रीमहादेव उवाच -
ततो रामः स्वयं प्राह हनुमन्तमुपस्थितम् ।
शृणु यत् त्वं प्रवक्ष्यामि ह्यात्मानात्मपरात्मनाम् ॥१॥
आकाशस्य यथा भेदस्त्रिविधो दृश्यते महान् ।
जलाशये महाकाशस्तदवच्छिन्न एव हि ।
प्रतिबिम्बाख्यमपरं दृश्यते त्रिविधं नभः ॥२॥
बुद्ध्यवच्छिन्नचैतन्यमेकं पूर्णमथापरम् ।
आभासस्त्वपरं बिम्बभूतमेवं त्रिधा चितिः ॥३॥
साभासबुद्धेः कर्तृत्वमविच्छिन्नेऽविकारिणि ।
साक्षिण्यारोप्यते भ्रान्त्या जीवत्वं च तथाऽबुधैः ॥४॥
आभासस्तु मृषाबुद्धिरविद्याकार्यमुच्यते ।
अविच्छिन्नं तु तद्ब्रह्म विच्छेदस्तु विकल्पितः ॥५॥
अविच्छिन्नस्य पूर्णेन एकत्वं प्रतिपद्यते ।
तत्त्वमस्यादिवाक्यैश्च साभासस्याहमस्तथा ॥६॥
ऐक्यज्ञानं यदोत्पन्नं महावाक्येन चात्मनोः ।
तदाऽविद्या स्वकार्यैश्च नश्यत्येव न संशयः ॥७॥
एतद्विज्ञाय मद्भक्तो मद्भावायोपपद्यते
मद्भक्तिविमुखानां हि शास्त्रगर्तेषु मुह्यताम् ।
न ज्ञानं न च मोक्षः स्यात्तेषां जन्मशतैरपि ॥८॥
इदं रहस्यं हृदयं ममात्मनो मयैव साक्षात्कथितं तवानघ ।
मद्भक्तिहीनाय शठाय न त्वया दातव्यमैन्द्रादपि राज्यतोऽधिकम् ॥९॥
shreemahaadeva uvaacha -
tato raamah' svayam praaha hanumantamupasthitam .
shri'nu yat tvam pravakshyaami hyaatmaanaatmaparaatmanaam ..1..
aakaashasya yathaa bhedastrividho dri'shyate mahaan .
jalaashaye mahaakaashastadavachchhinna eva hi .
pratibimbaakhyamaparam dri'shyate trividham nabhah' ..2..
buddhyavachchhinnachaitanyamekam poornamathaaparam .
aabhaasastvaparam bimbabhootamevam tridhaa chitih' ..3..
saabhaasabuddheh' kartri'tvamavichchhinne'vikaarini .
saakshinyaaropyate bhraantyaa jeevatvam cha tathaa'budhaih' ..4..
aabhaasastu mri'shaabuddhiravidyaakaaryamuchyate .
avichchhinnam tu tadbrahma vichchhedastu vikalpitah' ..5..
avichchhinnasya poornena ekatvam pratipadyate .
tattvamasyaadivaakyaishcha saabhaasasyaahamastathaa ..6..
aikyajnyaanam yadotpannam mahaavaakyena chaatmanoh' .
tadaa'vidyaa svakaaryaishcha nashyatyeva na samshayah' ..7..
etadvijnyaaya madbhakto madbhaavaayopapadyate
madbhaktivimukhaanaam hi shaastragarteshu muhyataam .
na jnyaanam na cha mokshah' syaatteshaam janmashatairapi ..8..
idam rahasyam hri'dayam mamaatmano mayaiva saakshaatkathitam tavaanagha .
madbhaktiheenaaya shat'haaya na tvayaa daatavyamaindraadapi raajyato'dhikam ..9..
Shiv Aarti
jaya shiva onkaaraa, bhaja hara shiva onkaaraa, brahmaa vishnu sadaashiva ardhaangee dhaaraa.jaya shiva onkaaraa, bhaja hara shiva onkaaraa, brahmaa v....
Click here to know more..Gokulesha Ashtakam
praanaadhikapresht'habhavajjanaanaam tvadviprayogaanalataapitaanaam. samastasantaapanivartakam yadroopam nijam darshaya gokulesha.....
Click here to know more..Some important aspects of Nama Sankeerthana