स्मितन्यक्कृतेन्दुप्रभाकुन्दपुष्पं
सिताभ्रागरुप्रष्ठगन्धानुलिप्तम् ।
श्रिताशेषलोकेष्टदानामरद्रुं
सदा षण्मुखं भावये हृत्सरोजे ॥
शरीरेन्द्रियादावहम्भावजातान्
षडूर्मीर्विकारांश्च शत्रून्निहन्तुम् ।
नतानां दधे यस्तमास्याब्जषट्कं
सदा षण्मुखं भावये हृत्सरोजे ॥
अपर्णाख्यवल्लीसमाश्लेषयोगात्
पुरा स्थाणुतो योऽजनिष्टामरार्थम् ।
विशाखं नगे वल्लिकाऽऽलिङ्गितं तं
सदा षण्मुखं भावये हृत्सरोजे ॥
गुकारेण वाच्यं तमो बाह्यमन्तः
स्वदेहाभया ज्ञानदानेन हन्ति ।
य एनं गुहं वेदशीर्षैकमेयं
सदा षण्मुखं भावये हृत्सरोजे ॥
यतः कर्ममार्गो भुवि ख्यापितस्तं
स्वनृत्ये निमित्तस्य हेतुं विदित्वा ।
वहत्यादरान्मेघनादानुलासी
सदा षण्मुखं भावये हृत्सरोजे ॥
कृपावारिराशिर्नृणामास्तिकत्वं
दृढं कर्तुमद्यापि यः कुक्कुटादीन् ।
भृशं पाचितान् जीवयन्राजते तं
सदा षण्मुखं भावये हृत्सरोजे ॥
भुजङ्गप्रयातेन वृत्तेन क्लृप्तां
स्तुतिं षण्मुखस्यादराद्ये पठन्ति ।
सुपुत्रायुरारोग्यसम्पद्विशिष्टान्
करोत्येव तान् षण्मुखः सद्विदग्र्यान् ॥
smitanyakkri'tenduprabhaakundapushpam'
sitaabhraagaruprasht'hagandhaanuliptam .
shritaasheshalokesht'adaanaamaradrum'
sadaa shanmukham' bhaavaye hri'tsaroje ..
shareerendriyaadaavahambhaavajaataan
shad'oormeervikaaraam'shcha shatroonnihantum .
nataanaam' dadhe yastamaasyaabjashat'kam'
sadaa shanmukham' bhaavaye hri'tsaroje ..
aparnaakhyavalleesamaashleshayogaat
puraa sthaanuto yo'janisht'aamaraartham .
vishaakham' nage vallikaa''lingitam' tam'
sadaa shanmukham' bhaavaye hri'tsaroje ..
gukaarena vaachyam' tamo baahyamantah'
svadehaabhayaa jnyaanadaanena hanti .
ya enam' guham' vedasheershaikameyam'
sadaa shanmukham' bhaavaye hri'tsaroje ..
yatah' karmamaargo bhuvi khyaapitastam'
svanri'tye nimittasya hetum' viditvaa .
vahatyaadaraanmeghanaadaanulaasee
sadaa shanmukham' bhaavaye hri'tsaroje ..
kri'paavaariraashirnri'naamaastikatvam'
dri'd'ham' kartumadyaapi yah' kukkut'aadeen .
bhri'sham' paachitaan jeevayanraajate tam'
sadaa shanmukham' bhaavaye hri'tsaroje ..
bhujangaprayaatena vri'ttena klri'ptaam'
stutim' shanmukhasyaadaraadye pat'hanti .
suputraayuraarogyasampadvishisht'aan
karotyeva taan shanmukhah' sadvidagryaan ..
Ashtamahishee Krishna Stotram
हृद्गुहाश्रितपक्षीन्द्र- वल्गुवाक्यैः कृतस्तुते। तद्....
Click here to know more..Ganga Mangala Stotram
mangalam punyagange te sahasrashlokasamsphure. sahasraayutasatkeerte sattvasphoorte sumangalam.....
Click here to know more..Why The Guest Should Be Treated Like God
Why The Guest Should Be Treated Like God - Kathopanishad....
Click here to know more..