కదా వృందారణ్యే విపులయమునాతీరపులినే
చరంతం గోవిందం హలధరసుదామాదిసహితం.
అహో కృష్ణ స్వామిన్ మధురమురలీమోహన విభో
ప్రసీదేతి క్రోశన్నిమిషమివ నేష్యామి దివసాన్.
కదా కాలిందీయైర్హరిచరణముద్రాంకితతటైః
స్మరన్గోపీనాథం కమలనయనం సస్మితముఖం.
అహో పూర్ణానందాంబుజవదన భక్తైకలలన
ప్రసీదేతి క్రోశన్నిమిషమివ నేష్యామి దివసాన్.
కదాచిత్ఖేలంతం వ్రజపరిసరే గోపతనయైః
కుతశ్చిత్సంప్రాప్తం కిమపి లసితం గోపలలనం.
అయే రాధే కిం వా హరసి రసికే కంచుకయుగం
ప్రసీదేతి క్రోశన్నిమిషమివ నేష్యామి దివసాన్.
కదాచిద్గోపీనాం హసితచకితస్నిగ్ధనయనం
స్థితం గోపీవృందే నటమివ నటంతం సులలితం.
సురాధీశైః సర్వైః స్తుతపదమిదం శ్రీహరిమితి
ప్రసీదేతి క్రోశన్నిమిషమివ నేష్యామి దివసాన్.
కదాచిత్సచ్ఛాయాశ్రితమభిమహాంతం యదుపతిం
సమాధిస్వచ్ఛాయాంచల ఇవ విలోలైకమకరం.
అయే భక్తోదారాంబుజవదన నందస్య తనయ
ప్రసీదేతి క్రోశన్నిమిషమివ నేష్యామి దివసాన్.
కదాచిత్కాలింద్యాస్తటతరుకదంబే స్థితమముం
స్మయంతం సాకూతం హృతవసనగోపీసుతపదం.
అహో శక్రానందాంబుజవదన గోవర్ధనధర
ప్రసీదేతి క్రోశన్నిమిషమివ నేష్యామి దివసాన్.
కదాచిత్కాంతారే విజయసఖమిష్టం నృపసుతం
వదంతం పార్థేతి నృపసుత సఖే బంధురితి చ.
భ్రమంతం విశ్రాంతం శ్రితమురలిమాస్యం హరిమమీ
ప్రసీదేతి క్రోశన్నిమిషమివ నేష్యామి దివసాన్.
కదా ద్రక్ష్యే పూర్ణం పురుషమమలం పంకజదృశం
అహో విష్ణో యోగిన్ రసికమురలీమోహన విభో.
దయాం కర్తుం దీనే పరమకరుణాబ్ధే సముచితం
ప్రసీదేతి క్రోశన్నిమిషమివ నేష్యామి దివసాన్.
ఆత్మేశ్వర పంచరత్న స్తోత్రం
యో వేదాంతవిచింత్యరూపమహిమా యం యాతి సర్వం జగత్ యేనేదం భు....
Click here to know more..కిం జ్యోతిస్తవ ఏక శ్లోకీ
కిం జ్యోతిస్తవభానుమానహని మే రాత్రౌ ప్రదీపాదికం స్యాదే....
Click here to know more..జీవిత సవాళ్లను నిర్వహించడానికి శక్తివంతమైన పాశుపతాస్త్ర మంత్రం
ఓం శ్లీం పశు హుం ఫట్....
Click here to know more..