Kamakshi Stuti

माये महामति जये भुवि मङ्गलाङ्गे
वीरे बिलेशयगले त्रिपुरे सुभद्रे।
ऐश्वर्यदानविभवे सुमनोरमाज्ञे
कामाक्षिमातरनिशं मम देहि सौख्यम्।
शैलात्मजे कमलनाभसहोदरि त्वं
त्रैलोक्यमोहकरणे स्मरकोटिरम्ये।
कामप्रदे परमशङ्करि चित्स्वरूपे
कामाक्षिमातरनिशं मम देहि सौख्यम्।
सर्वार्थसाधक- धियामधिनेत्रि रामे
भक्तार्तिनाशनपरे-ऽरुणरक्तगात्रे।
संशुद्धकुङ्कुमकणैरपि पूजिताङ्गे
कामाक्षिमातरनिशं मम देहि सौख्यम्।
बाणेक्षुदण्ड- शुकभारितशुभ्रहस्ते
देवि प्रमोदसमभाविनि नित्ययोने।
पूर्णाम्बुवत्कलश- भारनतस्तनाग्रे
कामाक्षिमातरनिशं मम देहि सौख्यम्।
चक्रेश्वरि प्रमथनाथसुरे मनोज्ञे
नित्यक्रियागतिरते जनमोक्षदात्रि।
सर्वानुतापहरणे मुनिहर्षिणि त्वं
कामाक्षिमातरनिशं मम देहि सौख्यम्।
एकाम्रनाथ- सहधर्म्मिणि हे विशाले
संशोभिहेम- विलसच्छुभचूडमौले।
आराधितादिमुनि- शङ्करदिव्यदेहे
कामाक्षिमातरनिशं मम देहि सौख्यम्।

maaye mahaamati jaye bhuvi mangalaange
veere bileshayagale tripure subhadre.
aishvaryadaanavibhave sumanoramaajnye
kaamaakshimaataranisham mama dehi saukhyam.
shailaatmaje kamalanaabhasahodari tvam
trailokyamohakarane smarakot'iramye.
kaamaprade paramashankari chitsvaroope
kaamaakshimaataranisham mama dehi saukhyam.
sarvaarthasaadhaka- dhiyaamadhinetri raame
bhaktaartinaashanapare-'runaraktagaatre.
samshuddhakunkumakanairapi poojitaange
kaamaakshimaataranisham mama dehi saukhyam.
baanekshudand'a- shukabhaaritashubhrahaste
devi pramodasamabhaavini nityayone.
poornaambuvatkalasha- bhaaranatastanaagre
kaamaakshimaataranisham mama dehi saukhyam.
chakreshvari pramathanaathasure manojnye
nityakriyaagatirate janamokshadaatri.
sarvaanutaapaharane muniharshini tvam
kaamaakshimaataranisham mama dehi saukhyam.
ekaamranaatha- sahadharmmini he vishaale
samshobhihema- vilasachchhubhachood'amaule.
aaraadhitaadimuni- shankaradivyadehe
kaamaakshimaataranisham mama dehi saukhyam.

Ramaswamy Sastry and Vighnesh Ghanapaathi

Other stotras