ಗಣೇಶಮಜರಾಮರಂ ಪ್ರಖರತೀಕ್ಷ್ಣದಂಷ್ಟ್ರಂ ಸುರಂ
ಬೃಹತ್ತನುಮನಾಮಯಂ ವಿವಿಧಲೋಕರಾಜಂ ಪರಂ.
ಶಿವಸ್ಯ ಸುತಸತ್ತಮಂ ವಿಕಟವಕ್ರತುಂಡಂ ಭೃಶಂ
ಭಜೇಽನ್ವಹಮಹಂ ಪ್ರಭುಂ ಗಣನುತಂ ಜಗನ್ನಾಯಕಂ.
ಕುಮಾರಗುರುಮನ್ನದಂ ನನು ಕೃಪಾಸುವರ್ಷಾಂಬುದಂ
ವಿನಾಯಕಮಕಲ್ಮಷಂ ಸುರಜನಾಽಽನತಾಂಘ್ರಿದ್ವಯಂ.
ಸುರಪ್ರಮದಕಾರಣಂ ಬುಧವರಂ ಚ ಭೀಮಂ ಭೃಶಂ
ಭಜೇಽನ್ವಹಮಹಂ ಪ್ರಭುಂ ಗಣನುತಂ ಜಗನ್ನಾಯಕಂ.
ಗಣಾಧಿಪತಿಮವ್ಯಯಂ ಸ್ಮಿತಮುಖಂ ಜಯಂತಂ ವರಂ
ವಿಚಿತ್ರಸುಮಮಾಲಿನಂ ಜಲಧರಾಭನಾದಂ ಪ್ರಿಯಂ.
ಮಹೋತ್ಕಟಮಭೀಪ್ರದಂ ಸುಮುಖಮೇಕದಂತಂ ಭೃಶಂ
ಭಜೇಽನ್ವಹಮಹಂ ಪ್ರಭುಂ ಗಣನುತಂ ಜಗನ್ನಾಯಕಂ.
ಜಗತ್ತ್ರಿತಯಸಮ್ಮತಂ ಭುವನಭೂತಪಂ ಸರ್ವದಂ
ಸರೋಜಕುಸುಮಾಸನಂ ವಿನತಭಕ್ತಮುಕ್ತಿಪ್ರದಂ.
ವಿಭಾವಸುಸಮಪ್ರಭಂ ವಿಮಲವಕ್ರತುಂಡಂ ಭೃಶಂ
ಭಜೇಽನ್ವಹಮಹಂ ಪ್ರಭುಂ ಗಣನುತಂ ಜಗನ್ನಾಯಕಂ.
ಸುವಾಂಛಿತಫಲರಪ್ರದಂ ಹ್ಯನುಪಮಂ ಸುರಾಧಾರಕಂ
ಜಗಜ್ಜಯಿನಮೇಕಲಂ ಮಧುರಮೋದಕಶ್ರೀಕರಂ.
ವಿಶಾಲಸುಭುಜಾಂತರಂ ವಿಮಲವಕ್ರತುಂಡಂ ಭೃಶಂ
ಭಜೇಽನ್ವಹಮಹಂ ಪ್ರಭುಂ ಗಣನುತಂ ಜಗನ್ನಾಯಕಂ.
ಗಣೇಶನತಿಪಂಚಕಂ ಸರಸಕಾವ್ಯಶಿಕ್ಷಾಯುತಂ
ಲಭೇತ ಸ ತು ಯಃ ಸದಾ ತ್ವಿಹ ಪಠೇನ್ನರೋ ಭಕ್ತಿಮಾನ್.
ಕೃಪಾಂ ಮತಿಮು ಮುಕ್ತಿದಾಂ ಧನಯಶಃಸುಖಾಶಾದಿಕಂ
ಗಣೇಶಕೃಪಯಾ ಕಲೌ ನನು ಭವೇ ಸಭೋಗಾಮೃತಂ.
ಕೃಷ್ಣ ಆಶ್ರಯ ಸ್ತೋತ್ರ
ಸರ್ವಮಾರ್ಗೇಷು ನಷ್ಟೇಷು ಕಲೌ ಚ ಖಲಧರ್ಮಿಣಿ. ಪಾಷಂಡಪ್ರಚುರೇ ಲೋಕ....
Click here to know more..ಋಷಿ ಸ್ತುತಿ
ಭೃಗುರ್ವಶಿಷ್ಠಃ ಕ್ರತುರಂಗಿರಾಶ್ಚ ಮನುಃ ಪುಲಸ್ತ್ಯಃ ಪುಲಹಶ್ಚ ಗ....
Click here to know more..ಸಮಸ್ಯೆ-ಮುಕ್ತ ಜೀವನಕ್ಕಾಗಿ ದುರ್ಗಾ ಮಂತ್ರ
ಓಂ ಕ್ಲೀಂ ಶರಣಾಗತದೀನಾರ್ತಪರಿತ್ರಾಣಪರಾಯಣೇ . ಸರ್ವಸ್ಯಾರ್ತಿಹರ....
Click here to know more..